الناس بتقول

الناس بتقول هندم إنى
خليتك تتقرب منى
إزاى وأنا شايفك قدامى
فرحة أيامى وأحلامى
دايما بتزيد كل ألامى
لو تبعد يوم واحد عنى
الناس بتقول هندم إنى.....
------------------
الناس بتقول إنك قاسى
وكتير على قلبك إخلاصى
مش عارفين إنك نور عينى
وحبيبى و أحلى ما فى سنينى
مش ممكن يوم تبقى ناسينى
و أنا بيك دايما جدا مشغول
الناس بتقول.......
-------------------
الناس بتقول لكن قلبى
دايب والعشق ما هوش ذنبى
حبك على طول ساكن فيا
وبحبك لو تقسى عليا
أصل انت قساوتك حنية
أما حنانك شئ مش معقول
الناس بتقول......
-------------------
خليها تقول وتقول الناس
حبيتك و انت حبيبى خلاص
ما يهمش قلبك أى كلام
وياك هاتحمل أى الام
لو حبك ليا يكون أوهام
خلينى ف وهمى أعيش على طول
الناس بتقول.......
-----------------------

إهداء إلى
رفيقة عمرى وأم عيالى : أم مرمر
محمد مختار