الحلوة مصر بتتمشى على شط النيل
فى المغربية قمر طالع والجو جميل
وقلبى كان ماشى معاها
تروح مكان يمشى وراها
إزاى أعيش تحت سماها
وأكون يا ناس فى هواها بخيل
الحلوة مصر بتتمشى على شط النيل
------------------------
بحبها
وإزاى أوصف ليكوم بكلام
الحب مش كلمة نقولها زى الأفلام
أنا حبى ليها مش عادى
أنا دمى فدى أرض بلادى
ألبى قبل اما تنادى
أديها عمرى ويبقى قليل
الحلوة مصر بتتمشى على شط النيل
------------------------
الله على البحر الهادى مع نسمة صيف
و شمس مصر بتتغزل فى حبيبنا الضيف
تقوله أهلا بيك عندى
ما تنسنيش وانت معدى
أنا إسمى مصر ومين قدى
ياما قالوا فيا الناس مواويل
الحلوة مصر بتتمشى على شط النيل
------------------------
الأهرامات بالشوق ضمة م الناس ملايين
وقف التاريخ يشهد لينا وليوم الدين
المصرى مصرى ومن يومه
أسد شجاع ملو هدومه
ما يغركوش أبدا نومه
ده واد جدع وبجد أصيل
الحلوة مصر بتتمشى على شط النيل
------------------------
لو أطول يا مصر
أنا كنت أكتب فى هواكى ديوان
ما يكفنيش أوصف فيكى ولا ألف زمان
عاشق يا حته من الجنة
قبل اما اكون طفل بسنه
ولما أموت أنا بتمنى
على أرضك انتى دمايا تسيل
الحلوة مصر بتتمشى على شط النيل
------------------------
اعذرونى لو كلامى مش كفاية
نفسى أحكى عنها ييجى مليووووووووووووون حكاية
مص م الرحمن هدية
شعبها ناس ميه ميه
شوفتو ليل اسكندرية
والكرام الشرقاوية
و العريش أرض النخيل
الحلوة مصر بتتمشى على شط النيل
------------------------
من مؤلفاتى الشعرية
محمد مختار
0 التعليقات:
إرسال تعليق