كلمة عن كادر المعلم

السلام عليكم ورحمة الله وبركاته
تحية الى كل رجل علم فى كوكب الارض اللى هوه مصر( لأنى بعتبر مصر كوكب الارض بالنسبه لى)
وبعد
بالنسبة الى وجود امتحان للكادر بوجه عام جميل وكويس
طبعا الكلام ده هيعترض عليه ناس كتير ومنهم زملائى الاعزاء المدرسين ( وأنا واحد منهم طبعا)
وكل ما اقول الامتحانات دى مهمة يقولولى شكلك كده قريب الوزير
وجهة نظرى كالاتى:
انت لما بتيجى تتقدم للسفر للخارج تبع شركة من الشركات ايه اللى بيحصل؟!
بيمتحنوك فى كل حاجة (تربوى وعربى ورياضيات ومعلومات عامة وكمبيوتر ) الى جانب مادة تخصصك
وعلى فكرة برده زى نظام الامتحان بتاع الكادر يعنى بالقلم الرصاص
واكيد كتير مننا عملوا الاختبارات دى
المهم ايه المانع اننا نمتحن علشان نشوف مستوانا وصل لفين
بس مش بالطريقة اللى بتحصل دى
يعنى مش امتحن الوكيل او الناظر او المدير او الموجه اللى بقاله عمر سايب مادته
وكمان مش لازم اربط النجاح فى الامتحان بالزيادة فى المرتب
وجزء فنى كمان ان المفروض لو همتحن الناس صح ما اخليش كل مادة مع بعض فى مكان واحد (وده هيزعل منى ناس كتير)بس بالعقل انت واحد بتحارب الغش فى كل مكان اتفرج على نفسك وانت بتمتحن عملت ايه؟؟؟؟؟؟؟؟؟؟؟؟؟!
طبعا طبقت مبدأ (يد الله مع الجماعة)
عموما ربنا يوفق الجميع وننجح علشان شكلنا هيبقى وحش قوى لو حصل عكس ذلك
وبعدين بدل ما نشكر الوزير باشا على انه سمح لنا مرة تانية نجلس ونمتحن وممكن نجيب مجموع وندخل صيدلة مثلا ونحقق امنية كانت عندنا من ايام الثانوية العامة ونغنى وحيات قلبى وافراحه!!!!!!!!!!
عموما النتيجة على فكرة هتظهر بعد 10 ايام من يوم الخميس القادم 28 اغسطس2008
ويا رب ننجح
اخوكم
محمد مختار
mr_english80@yahoo.com