اه يا ضرسى يانى
قصدى اه يا ضرس مراتى يانى
طبعا أنا والحمد لله لغاية أسبوع فات
ما كنتش أعرف يعنى ايه ضرس بيوجع
لغاية ما فى يوم لقيت المدام بتتألم من ضرسها
و طبعا علشان قلبى حنين و رقيق
لأنى باكل رقاق كتير
تألمت شديد الألم بجد
و قررنا أن نذهب لطبيب الأسنان
و طبعا أثناء الذهاب أخذت أذكر زوجتى المصونة
و الجوهرة المكنونة بالأزمة الإقتصادية العالمية
والتى تنعكس على مصرنا الحبيبة و على بيتنا الصغير
و قلت لها أن خلع الضرس أرخص بكثيــــــــــــــر
من حشوه
كما أننا إذا خلعناه فقد نوفر فى شراء الطعام
لأنه سيكون الضرس الثانى المخلوع بإذن الله
فلا حاجة إلى المضغ إذا
و لكن أصرت على حشوه
و قد أيدها الطبيب أيضا
عموما ألف سلامة يا حبيبتى
و ربنا يجعلها اخر الأوجاع
0 التعليقات:
إرسال تعليق